尋日返工之前特登坎左買埋dinner俾honey食,今次試下新野<煙鴨胭三文治>唔知好唔好食呢~~今日honey都有黎接我返工呀,heehee~返到公司又係咁做野啦,到左差唔多食飯之前太后入殷 派成績表wor,講左一大堆廢話,又話今年業績差左,雖然大家都好忙,但係又有d大客走左,所以公司都賺少左,而唔係太多貢獻既員工大約會加2%,比較有貢獻既員工就大約3%,又話叫我地如果知道其他同事加得多d唔好唔開心,因為都唔一定係自己performance差,所以加得少,仲有好多因素,我心諗,你快d收聲啦,講埋咁多完場說話,不嬲都係我地d做細既同你搏,但係又加得少,你地e d坐係度奀奀腳既就加多多架啦,講埋d懶好聽既說話去氹細路就得無聊!!!!!!!!!!!!之後penny同cyrus今年終於升職啦,公司真係超cheap,人地做左差唔多3年,要人上大陸先升得果少少,加得果少少人工,cheap到嘔到呀而我e個無咩貢獻既小薯仔就加左3%人工咁大把,唉,都係浸下,學埋d野快d走吧啦,無前途

夜晚my lovely honey又有黎接我,真係幸福~~之後仲有得痴實你,仲可以收到honey為我織既頸巾,呵呵超級幸福~~夜晚又幫honey手執房,因為佢換左張木台哦~~我真係乖啦~~

今朝難訓既honey請左半日假,之後有得一齊返工,heehee,真係開心啦,好耐無同你一齊返工啦~我地仲食左麥記既咖哩豬扒飽哦~食飽飽又要開工今日又學左新野,有得一齊想學既Cr6+,我地e個方法個recovery係100%架,所以第二時見工同人講都有數呀,hee,遲d等我影印晒佢d SOP慢慢睇先~~

missing my honey哦~~

今日一早起身去睇醫生,但係俾醫生呃左,我俾左160蚊佢竟然俾支博士倫倦眼樂我,果一刻真係火到黎好彩遲d可以羅番錢ja

睇完醫生去左打簿,出左雙糧lu,heehee,好野~~開心完之後就搭車返公司啦,早d返去痴俾我honey,heehee點知今日3樓好多人哦,連平時無人既locker位置都俾人霸埋,只好同honey落棲下2樓坐一陣~坐到陪鐘就開工啦,今日都好hea,唔係咁多野做,hee~不過臨收工個LDCS先黎down,result review想叫我幫佢用手計添呀,我真係睬你都傻呀,好彩最尾都整得番~~

放工又有我最愛既honey黎接我wor,真係開心呀~~諗起聽晚又可以痴實你就好開心啦~~

今日返工之前又可以見到我最愛既honey,真係好啦,不過如果時間可以長d就好啦返到去做野開頭都好hea架,之後過左無耐d高層又係度開會啦,果然3個女人一個墟係無錯架,之後仲要加多個大師兄,簡直係不知所謂,十萬個討厭,又一次得出一個結論,結論係我地要再一次做多樣野,煩到嘔以為我唔羅d report過去啦,次次都要辦出境手續既

下午開始多野做啦,d urgent係咁湧入黎,之後又有一大堆late又highlight左紅色既samples,痴線架,咁樣人地要同你一支支睇下係唔係urgent囉,遲左少少出d urgent又係度嘈到死,妖最變態係有一個客想6點出report,但係d sample入到7點幾都仲係度做緊,未入晒,之後仲要果份野係有幾百支囉,你做埋我果份啦,出果少少糧就洗死人,仲要對人既態度差,不知所謂的一間大公司

死肥仔明明係要出去學digesion,但係又成日走番入去run 機,次次出親黎就嘈到死,嘈到佢出番去run機都仲係度嘈,難頂,講真係人都feel到佢唔想學既,但係之前又係咁話自己想學,佢成日係度嘈,令到我個人有d炆夜晚食飯之前又可以見到我最愛既honey,heehee,心情好轉了~~你走左之後我就靜靜地吃飯哦,不想再出聲之後肥仔都問我做咩,唔鬼理佢,煩到死

食飽飽就落去做下Fre啦,penny特登留番俾我做,heehee,見到cyrus計完出黎個數都好夾,證明我做得好啦,哈~~係digestion room做多陣就出去機房幫下手啦,好多野要上,好多野要計呀,joycee都唔知點做既,d samples放晒係度都無上...唉,幫手上晒之後就出去幫cyrus手計數,唔多想對住佢兩個...唉,今晚11點先走呀,仲要honey等到我咁夜添錫番先

基於尋日同honey換左電話黎用無set鬧鐘,今日唔知醒叫honey起身呀,到我醒已經係7:43我唔制呀...

今日返到去有得學新野,heehee,係我想學既microwave~~原本心情靚靚,但係肥仔alex係度成日嘈,好煩,令我心情有點煩躁今晚honey係屋企拆床無黎接我哦,好掛住你呀聽日見到honey要嗲下佢先得,heehee~~